Number coding suspendido na ngayong araw – MMDA

Suspendido na ang pagpapatupad ng number coding ngayong araw sa Metro Manila ayon sa Metropolitan Manila Development Authority (MMDA).

Ito ay matapos ang suspensyon ng klase sa lahat ng antas sa buong NCR ngayong araw.

Ayon sa abiso ng MMDA, dahil suspendido ang number coding, ang mga sasakyan na ang plaka o conduction sticker ay nagtatapos sa 5 at 6 ay maaring makabiyahe.

Pero sinabi ng MMDA na hindi sakop ng suspensyon ang Las Pinas at Makati City na mayroong sariling guidelines sa number coding.

Sa hiwalay na abiso naman, sinabi ni Makati PIO Chief Jun Salgado na suspendido na rin ang number coding sa lungsod ngayong araw.