Sa panayam kay Andanar sa PTV 4 Trade Launch sa Marquis Event Place sa Taguig City, binigyang-diin na walang dapat ikabahala ang publiko partikular ang Senate Minority bloc dahil hindi lamang China ang kanilang prayoridad sa pakikipagpalitan ng mga pelikula at TV series.
Meron din aniyang mga palabas galing Russia, Japan, South Korea, Campbodia, Thailand at Myanmar na mapapanood sa government channel.
Ipinaliwanag ni Andanar na layun nito ang malayang promosyon ng kultura ng iba’t ibang bansa sa Pilipinas habang libre rin tayong makakapag-promote ng sarili nating mga palabas sa kanilang mga bansa.
“Ang mahalaga po dito yung mga prigrama na ibibigay sa atin ay libre. Wala po tayong gastos dun and of course, yung programa na meron tayong matutunan pagdating sa kanilang kultura or maybe just a glimpse of their technology and also the way that they produce shows,” dagdag ng kalihim.
Bukod sa kultura, tiniyak ni Andanar na matututo rin ang bansa sa iba’t ibang teknolohiya o larangan na ginagamit ng ibang bansa sa kanilang mga produksyon.