Lando, pinakamatinding bagyo sa taong ito ayon sa NDRRMC
Ang bagyong Lando na ang pinakamatinding bagyo na tumama sa bansa sa taong ito, ayon sa National Disaster Risk Reduction and Management Council o NDRRMC.
Ipinaliwanag ng ahensya na sa ngayon, umabot na sa P7.3B ang pinsala ng naturang bagyo sa sektor ng agrikultura at imprastraktura.
Sa naturang halaga, 6.43 bilyong piso ang halaga ng pinsala sa mga pananim samantalang nasa 902 milyong piso naman sa mga infrastructure.
Nananatili pa ring walang kuryente aniya ang probinsya ng Ilocos Sur, Quirino, Isabela, Nueva Vizcaya, Aurora, Quezon Kalinga at Mountain Province.
Lubog pa rin sa baha ang ilang mga lugar sa mga probinsya ng Pangasinan, Isabela, Nueva Ecija, Tarlac, Bulacan, Pampanga, Zambales, Cagayan at Benguet.
Sa ngayon, nasa 41 ang nasawi sanhi ng bagyong Lando.
Patuloy pa rin ang pagkalap ng NDRRMC ng karagdagang impormasyon sa mga lugar na naapektuhan ng kalamidad at posibleng madagdagan pa ang naturang datos sa mga susunod na araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.