Nagsimula ang sunog dakong 7:00 kagabi at umabot pa sa task force Alpha bago naapula at idineklarang fire out ng 9:47 ng gabi.
Siyam katao rin ang nasugatan sa naturang sunog at kabilang dito ay tatlong taga-media at si Asst. Regional Director for operations Crispo Diaz ng Bureau of Fire and Protection-NCR .
Kritikal naman ang kundisyon ng isang fire volunteer na si Manuel Claudio matapos mabagsakan ng poste ng kuryente.
Samantala, pansamantalang inilikas ang 300 na pamilya sa Mabuhay covered court.
Patuloy pa rin ang imbestigasyon ng mga kinauukulan dahil hanggang ngayon ay hindi pa rin nakukumpirma kung ano ang pinagmulan ng sunog.