Heavy rainfall warning nakataas sa 3 lalawigan sa Luzon

Nakataas ang heavy rainfall warning sa mga lalawigan ng Batangas, Bataan at Zambales.

Sa inilabas na abiso ng PAGASA alas 5:00 ng umaga, yellow rainfall warning ang umiiral sa tatlong lalawigan.

Ayon sa PAGASA, maaring makaranas ng pagbaha ang mga residenteng nasa mababang lugar.

Samantala, light hanggang moderate na pag-ulan naman ang nararanasan sa buong Metro Manila, Cavite, Rizal, Laguna, Bulacan, Pampanga at Quezon na tatagal sa susunod na 1 hanggang 2 oras.

Muling maglalabas ng rainfall advisory ang PAGASA mamayang alas 8:00 ng umaga.