Timbog ang siyam na hinihinalang drug pushers sa ikinasang dalawang buy-bust operation sa Lucena City.
Ayon kay Lucena police chief Supt. Romulo Albacea, naaresto ang mga suspek na sina Julius Avila, Julie Ann Cruz, Adrian Suarez, Jerome Planas, Rodel Navarro at Jegs Baliber sa Barangay 8 pasado 5:00, Sabado ng hapon.
Unang nahuli sina Avila at Cruz matapos magbenta ng isang pakete ng shabu na nagkakahalaga ng P500 sa pulis na nagsilbing poseur-buyer.
Samantala, huli sa akto naman ang iba pa na nagsagawa ng pot session kung saan narekober ang limang pakete ng shabu na may street value na P4,500.
Sa Baranagy Ibabang Iyam naman, naaresto sina Marites San Jose, Leonora Llera at Leo Nuera pasado 3:15 ng hapon.
Nakuha naman sa suspk ang pitong pakete ng shabu na may bigat na aabot sa isang gramo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.