Ramon Tulfo, pinaiimbestigahan sa Malacañang ang kontrobersya ng 2 kapatid sa DOT ad placement

By Rohanisa Abbas July 14, 2018 - 05:10 PM

FILE

Pinaiimbestigahan ni Ramon Tulfo amg kontrobersyang kinasasangkutan ng kanyang mga kapatid na sina dating tourism secretary Wanda Tep at Ben Tulfo kaugnay ng P60 milyon advertisement placement ng Department of Tourism sa People’s Television Network (PTV-4).

Sa column ni Ramon sa Inquirer, sinabi niya na kahit saang anggulo man tignan ay may iregularidad sa naturang kontrata. Aniya, may conflict of interest ito.

Hinimok ni Ramon ang Malacañang at iba pang ahensya ng gobyerno na imbestigahan ang kanyang mga kapatid na sina Ben at Teo.

Dagdag niya, kapag napatunayang mayroong iregularidad sa kontrata, dapat na ipatupad sa dalawa ang batas, gaya na lamang ng pagsasampa ng kasong plunder.

Ipinahayag din ni Ramon na nakasama ang usapin sa kanyang reputasyon, at maging ng kanilang iba pang kapatid na sina Raffy at Erwin.

Matatandaang inulat ng Commission on Audit na posibleng makasuhan si Teo kaugnay ng paglalagay ng DOT ng advertisement sa programang Kilos Pronto sa PTV kung saan producer si Ben.

 

TAGS: ben tulfo, dot, P60 million ad placement, ptv, Ramon Tulfo, tulfo brothers, Wanda Teo, ben tulfo, dot, P60 million ad placement, ptv, Ramon Tulfo, tulfo brothers, Wanda Teo

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.