PAL pinayuhan ang mga may flight ngayong weekend na maglaan ng dagdag oras sa biyahe
Pinayuhan ng Philippine Airlines ang mga pasahero na mayroong flight ngayong weekend na maglaan ng mas mahabang oras sa biyahe patungo sa Ninoy Aquino International Airport (NAIA).
Ito ay dahil sa inaasahang mas masikip na daloy ng traffic sa mga lansangan sa Metro Manila bunsod ng aktibidad ng Iglesia ni Cristo (INC).
Sa abiso ng PAL, ang mga pasahero na magmumula sa north at western section ng NAIA terminal 2 at pinapayuhang maglaan ng dagdag na oras sa biyahe.
Isasagawa ng INC ang Worldwide Aid to Fight Poverty sa Linggo, July 15 pero mula July 14 ay may mga isasara nang lansangan.
Pinakaraming apektadong kalsada ay sa Maynila lalo na sa kahabaan ng Roxas Boulevard.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.