Cosmetic surgeon Dr. Joel Mendez inaresto sa kasong rape
(UPDATE) Arestado sa kasong panggagahasa ang celebrity doctor na si Dr. Joel Mendez sa Mandaluyong City.
Dalawang taon na pinaghahanap ang duktor at Huwebes ng gabi nang siya ay maaresto ng mga pulis.
Ayon sa Mandaluyong City Police, inaresto si Mendez dakong 11:30 ng gabi kahapon (July 12) sa BSA Twin Tower sa nasabing lungsod.
Ilang buwang nagsagawa ng surveillance at stakeout operation ang mga otoridad laban kay Mendez.
At sa bisa ng arrest warrant na inisyu ni Judge Imelda Portes-Saulog ng Regional Trial Court Branch 214, nahuli na ang doktor para sa 2 counts ng kasong attempted rape at isa pang count ng rape.
Si Mendez ay isinailalim kustodiya ng custodial and detention unit ng Mandaluyong police station kagabi.
Subalit nakalaya rin makaraang maglagak ng piyansang aabot sa P360,000 o tig-P120,000 sa bawat kaso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.