Pangulong Duterte may mga bagong appointees

May mga bagong appointees si Pangulong Rodrigo Duterte sa mga ahensya ng pamahalaan.

Sa inilabas na appointment paper, itinalaga ng pangulo si Atty. Kim Raisa Uy bilang bagong assistant secretary sa Office of the Executive Secretary.

Sa National Privacy Commission naman nagtalaga ng bagong Executive Director IV ang pangulo sa katauhan ni Elisa May Cuevas at si Gilbert SAntos bilang Director IV.

Itinalaga din ng pangulo bilang Director IV sa Department of Labor and Employment sina Cyrile Ticao, Sarah Buena Mirasol at Exequiel Ronie Guzman.

Una nang inanunsyo ng Malakanyang ang pagkakatalaga ni Pangulong Duterte kay DOJ Usec. Antonio Kho bilang bagong commissioner ng Comelec.