19 patay sa pagsabog sa chemical plant sa China

Patay ang labingsiyam na katao sa pagsabog na naganap sa isang planta ng kemikal sa Southwest China.

Maliban sa mga nasawi mayroon pang labingdalawa na nasugatan sa insidenteng nangyari sa industrial park sa Yibin City sa Sichuan province.

Ang gusali na pinagmulan ng pagsabog ay ang Hengda na isang chemical manufacturer.

Ayon sa mga otoridad stable naman ang kondisyon ng mga dinala sa ospital.

Sa nagdaang mga taon, ilang industrial accidents na ang naitala sa China.

Noong November 2017, may naitala na septic tank explosion sa Ningbo sa Shanghai.

Taong 2015 nagkaroon ng chemical blasts sa isang container storage facility sa Tianjin na ikinasawi ng 165 na katao.