Usec. ng DOJ itinalaga ni Pang. Duterte bilang bagong Comelec commissioner

Itinalaga ni Pangulong Rodrigo Duterte ang ka-brod nito sa fraternity para makumpleto na ang mga opisyal ng Commission on Elections (Comelec).

Si Department of Justice (DOJ) Undersecretary Antonio Kho Jr. ang hinirang ng pangulo bilang bagong commissioner ng poll body.

Pupunan ni Kho ang nabakanteng pwesto ng ngayon ay Chairman na ng Comelec na si Sheriff Abas.

Si Kho ay maninilbihan sa Comelec hanggang February 2022.

Miyembro si Kho ng San Beda University-based Lex Talionis Fraternitas at siya na ang ikaapat na appointee ni Duterte sa Comelec.