Kongreso nakahanda na para sa ikatlong SONA ng pangulo

By Len Montaño July 13, 2018 - 02:43 AM

All system go na para sa ikatlong State of the Nation Andress (SONA) ni Pangulong Rodrigo Duterte sa July 23.

Tiniyak ng Task Force SONA ng Kongreso na handa na sila para sa taunang report ng pangulo sa taumbayan.

Ayon kay House of Representatives sergeant-at-arms Lieutenant General Roland Detabili, mas handa ngayon ang kanilang security personnel at ibang kaukulang ahensya kumpara sa nakaraang SONA.

Mas marami aniya ang kagamitan ngayon at ang paraan para ilahad ang national address ng pangulo.

Noong nakaraang taon ay lumabas ang pangulo matapos ang kanyang SONA at hinarap ang mga nag-protesta.

Pero ngayong taon, aabisuhan ng Presidential Security Group (PSG) ang pangulo na huwag ulitin ang ginawa nito para sa kanyang seguridad.

Samantala, sinabi ni House Secretary General Cesar Pareja na inaasahan nila ang 3,000 guests na doble sa seating capacity ng session hall kaya magdaragdag sila ng mga upuan.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.