Typhoon Maria naglandfall sa Fujian, China
Tumama na sa kalupaan ng Fujian, China ang bagyong may international name na Maria.
Sa update mula sa PAGASA, huling namataan ang bagyo sa 720 kilometers North Northwest ng Extreme Northern Luzon.
Nananatiling malakas at nasa typhoon category ang bagyo taglay ang lakas ng hanging aabot sa 160 kilometers bawat oras at pagbugsong aabot sa 220 kilometers bawat oras.
Bagaman wala itong direktang epekto saanmang panig ng bansa sinabi ng PAGASA na pinalalakas pa rin nito ang Habagat na naghahatid ng pag-ulan sa Zambales, Bataan, Cavite, Batangas, Mindoro Provinces, Romblon, Palawan at Western Visayas.
Makararanas din ng minsang pag-ulan ang Metro Manila, Ilocos Region, Zamboanga Peninsula, ARMM, Marinduque, nalalabing bahagi ng Central Luzon at CALABARZON.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.