Kabilang sa hindi pa rin pinadaraanan sa mga motorista ay ang Kennon Road.
Sa abiso ng Department of Public Works and HIghways – CAR, ang mga patungo at galing ng Baguio City ay hindi muna maaring makadaan sa nasabing lansangan bunsod ng mga naitalang landslides.
Sarado rin ang bahagi ng Abra-Ilocos Norte Road at maaring gamiting alternatibong ruta ng mga motorista ang Abra-Ilocos Sur Road at ang McArthur Highway.
Sarado rin sa daloy ng traffic ang bahagi ng Acop-Kapangan-Kibungan-Bukun Road sa Benget.
Ayon sa DPWH patuloy ang clearing operations sa mga apektadong kalsada at muli silang maglalabas ng abiso kung bubuksan na ang mga ito sa traffic.