1 patay sa pagbagsak ng chopper sa townhouse sa Virginia
By Donabelle Dominguez-Cargullo July 09, 2018 - 10:23 AM
Isa ang patay sa pagbagsak ng helicopter sa isang townhouse complex sa Virginia USA.
Naganap ang insidente sa Williamsburg sa Virginia na nagdulot sa pagkawasak ng gusali at pagkasunog ng bahagi nito.
Sa ulat ng local media, residente sa lugar ang nasawi ayon sa Virginia State Police.
Inaalam pa kung sino ang namamay-ari ng bumagsak na chopper at hinahanap pa ang piloto nito.
Mabilis kasing lumaki ang apoy matapos itong bumagsak kaya agad itong tinugunan ng mga otoridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.