Pagpatay kay Vice Mayor Lubigan posibleng dahil sa pulitika

Pulitika ang nakikitang anggulo ng Philippine National Police (PNP) sa pagpatay kay Trece Martires City Vice Mayor Alexander Lubigan.

Sa panayam ng Radyo Inquirer, sinabi ni Senior Superintendent Benigno Durana Jr. na sa ngayon, isang special investigation task force na ang binuo ng kanilang hanay na tututok sa pag-iimbestiga sa kaso ni Lubigan.

Nabatid na balak tumakbo ni Lubigan sa mas mataas na posisyon sa darating na 2019 elections.

Nasa ikatlong termino na ngayon si Lubigan bilang vice mayor ng Trece Martires City, Cavite.