Maine at Vice Ganda nananatiling ‘Top Celebrities on Twitter PH’
Nangunguna pa rin sina Maine Mendoza at Vice Ganda sa listahan ng “Top Celebrities on Twitter.”
Sa anunsyo ng Twitter Philippines, number 1 sa Top Female Celebrities si Mendoza na may Twitter account na @mainedcm at may 4.79 million followers.
Kasama pa sa Top 5 ay sina Maris Racal, Kathryn Bernardo, Maymay Entrata at Loisa Andalio.
Sa hanay ng Top Male Celebrities, numero uno si Vice Ganda na may Twitter account na @vicegandako at may 11.3 million followers.
Pangalawa naman sa listahan si Donny Pangilinan na sinundan nina Alden Richards, James Reid at Ronnie Alonte.
Pagdating sa Top Love Teams on Twitter, ang AlDub ang nasa top spot, habang ang “Bagani” ang Top Teleserye on Twitter.
Ayon sa Twitter Philippines, ang listahan ay resulta ng #PHEntertainmentIndex mula January hanggang June 2018.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.