Kapitan ng barangay sa Ortiental Mindoro, arestado dahil sa droga

Timbog ang isang kapitan ng barangay sa Gloria, Oriental Mindoro matapos mahulihan ng iligal na droga at mga armas.

Isinilbi ng pulisya at Philippine Drug Enforcement Agency ang search warrant laban kay Domingo Mortel na kapitan ng Barangay Maragooc.

Ayon sa pulisya, ikinukunsiderang high-value target si Mortel.

Kinumpiska sa bahay ni Mortel ang dalaweang sachet ng hinihinalang shabu, isang kalibre .45 na baril, isang magazine at pitong live ammunitions.

Nasa kustodiya ngayon ng PDEA Mimaropa ang suspek.