Isinailalim sa state of calamity ang pitong barangay sa Kabacan, Cotabato dahil sa pagtaas ng tubig-baha.
Tuloy-tuloy na naranasan ang malakas na pag-ulan bunsod ng thunderstorms sa lugar.
Dahil dito, tumaas ang lebel ng tubig at naapektuhan ang mga residente sa low-lying areas ng munisipyo.
Mahigit 2,000 pamilya ang pansamantalang inilikas dahil sa naturang pagbaha at lubog na taniman.
Wala namang napaulat na nasaktan sa sitwasyon ng lugar.
Matatandaang 1,000 pamilya na ang naunang pinalikas sa ibang lugar ng lalawigan bunsod pa rin ng pagbaha.
MOST READ
LATEST STORIES