Sugatan ang isang motorcycle rider at limang taong gulang na lalaki matapos mabangga ng trak sa Candelaria, Quezon.
Ayon kay Quezon police director Sr. Supt. Osmundo de Guzman, binabagtas ng motorcycle driver na si Novilito Estolano kasama ang angkas na si Nielven Espenosa ang Maharlika Highway sa Barangay Malabanban Norte nang biglang mabangga ng paparating na truck dakong 3:50, Sabado ng madaling-araw.
Tumalsik ang mga biktima at nagtamo ng multiple body at head injuries.
Agad naisugod ang mga sugatan sa Peter Paul Medical Center.
Inaresto naman ang truck driver na si Nemar Factor at patuloy ang isinasagawang imbestigasyon sa aksidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.