Ganito ang sentimyento ng mga Pinoy fans na nakapanood na ng music video ng pinakabagong edisyon ng seryeng Meteor Garden na una nang pinagkaguluhan noong 2003 dito sa Pilipinas.
Matapos ang 15 taon ay muling mapapanood sa telebisyon ang naturang programa dahilan para ilabas ang bagong official music video nito na ‘Ni Yao De Ai’.
Maraming fans ang excited nang muli sa official release ng Meteor Garden na ipalalabas na sa mga telebisyon sa July 9.
Ipalalabas naman itong muli sa bansa sa pamamagitan ng ABS-CBN na may exclusive rights para rito.
Inawit ng Malaysian singer na si Penny Tai ang kanta na ang ibig sabihin ay ‘The Love You Want’.
Hango ang Meteor Garden sa Japanese manga na Hana Yori Dango na kwento tungkol sa isang simpleng babae na may pangalang Shan Cai na kalauna’y nakakrus ng landas ang apat na mayamang lalaki sa pamantasan na kilala sa tawag na F4 o Flower 4.
Sa Meteor Garden 2018, gaganap ang Chinese actress na si Shen Yue bilang si Shan Cai habang gaganap naman bilang Dao Ming Si si Dylan Wang na siyang lider ng F4.