Isinagawa ang pangatlong consultation meeting ng Department of Information and Communications Technology (DICT) para sa pagpasok ng ikatlong major telecommunication player.
Inilatag sa pagtitipon ang dalawang draft ng term of reference o TOR para sa pagkuha ng bagong telco.
Ito ay sa pamamagitan ng committed level of service o CLOS at auction.
Sa CLOS, sinabi na dapat ay may P10 billion minimum capital ang papasok ng telco habang sa auction ay magsasagawa ng bidding na magsisimula sa minimum bid na P6.28 billion.
Binanggit ni National Telecommunications Commission (NTC) Chief Gamaliel Cordova na walang ilalabas na pera ang gobyerno sa pagpasok ng mga bagong player sa sektor ng telekomunikasyon.
Sa ganitong paraan ay hindi magkakaroon ng katiwalian dahil walang mapapaboran.
Inamin naman ni DICT Secretary Eliseo Rio na minamadali nila ang pagpasok ng third player dahil kinukulit na rin sila ukol dito ni Pangulong Rodrigo Duterte.