Pinoy teacher bahagi ng rescue team sa Thai football team na na-trap sa kweba

Isang Pinoy na English teacher ang bahagi ng rescue team na tumutulong sa mga batang na-trap sa isang kweba sa Thailand.

Si Christiffer John Aquino ay nagtatrabaho bilang teacher at kapag weekend, siya naman ay rock climbing instructor.

Dahil sa kaniyang kaalaman sa rock climbing, napasama sa Aquino sa rescue team para maisabla ang mga batang miyembro ng Thai football team na na-trap sa underground cave sa Thailand.

Sa kaniyang Facebook page, ibinahagi ni Aquino ang mga pinagdadaanan ng kanilang team para mahanap ang kinaroroonan ng 12 mga bata.

Natagpuan na ang mga bata pero dahil sa pagkaka-trap nila sa kweba ng halos dalawang linggo, hirap na silang makakilos.

Karamihan sa kanila ay payat na payat na at pagod na pagod.