LOOK: Bahagi ng EDSA at iba pang kalsada maaapektuhan ng reblocking ngayong weekend

Muling magsasagawa ng road reblocking ang Department of Public Works and Highways – National Capital Region (DPWH-NCR) sa bahagi ng EDSA at iba pang lansangan sa Metro Manila.

Ayon kay DPWH-NCR Director Melvin B. Navarro ang repair works ay mag-uumpisa alas 11:00 ng gabi mamaya (July 6).

Apektado ang sumusunod na bahagi ng EDSA:

EDSA Southbound

• Arayat Street patungong Ignacio Diaz, 4th lane mula sa sidewalk
• Harap ng Francesca Tower hanggang Scout Borromeo, 3rd lane mula sa center island

EDSA Northbound

• Vertis North hanggang Trinoma Mall, 2nd lane mula sa sidewalk

Samantala ang iba pang lugar na magkakaroon ng road reblocking ay ang mga sumusunod:

Southbound

• Nagtahan Bridge Service Road, mula J. P. Laurel hanggang Ampil Street

Northbound

• Batasan Road, mula Commonwealth Avenue hanggang Kalinisan Street, 1st lane
• H. Lacson Avenue, malapit sa Aragon Street
• Congressional Avenue, bago ang Jupiter Street, 1st lane
• Fairview Avenue, mula Mindanao Avenue Extension hanggang Jordan Plains Subdivision, 3rd lane

Ayon sa DPWH, gagamit sila ng 1 day curing concrete mix kaya sa Lunes, July 9, alas 5:00 ng umaga ay mabubuksan na sa mga motorista ang mga aayusing kalsada.