Engaged na sina American actress Katharine McPhee at Canadian musician na si David Foster.
Gamit ang kaniyang Instagram account, nag-post si Katharine ng screenshot ng kaniyang mensahe kay Jared Eng mula sa “Just Jared.”
Sa mensahe, sinabi ng dating “Smash” star na nag-propose si David sa isang bundok sa Anacapri, Italy.
Kasalukuyan kasing nagbabakasyon ang dalawa sa Italy kasama ang ilang kaibigan.
Tanging ang mga bituin lang aniya ang naging liwanag nang isagawa ng proposal.
Pabiro pang sinabi ni Katharine na pasalamat siyang hindi siya naitulak ng record producer sa naturang bundok.
Samantala, ito na ang ikalawang beses na ikakasal si McPhee habang ikalimang beses naman kay David.
MOST READ
LATEST STORIES