Pagkubkob ng BIFF sa Datu Paglas sa Maguindanao napigilan

Napigilan ng militar ang tangkang pagkubkob ng militar sa isang lugar sa Datu Piglas sa Maguindanao.

Tinangka umano ng IS-inspired terrorist group na kubkubin ang munisipyo ng Datu Piglas noong Martes.

Agad nagsagawa ng pinagsanib pwersang operasyon ang 33rd Infantry Battalion, ang 1st Mechanized Infantry Battalion, at 4th Special Action Battalion at inatake ang inokupahang pwesto ng BIFF na pinamumunuan ni Sulaiman Tudon.

Kabilang din sa inokupahan ng mga rebelde ang ilang mga bahay 500-metro ang layo mula sa munisipyo.

Gamit ang mga armored vehicles at infantry mortars tumagal ng 9 na oras ang operasyon.

Ayon kay Lt. Col. Harold M Cabunoc, ng 33rd IB, tatlong improvised bombs ang nakuha nila sa lugar.

Tatlong sundalo ang bahagyang nasugatan matapos magtamo ng tama ng shrapnel at bala na kinilalang sina Cpl. Millard Bacatan at Private Allan Cabildo ng 33rd IB, at ang militiaman na si Musa Kalim.