Arestado ang apat na katao na pare-parehong nahulihan ng bawal na gamot sa magkakahiwalay na police operation sa Quezon City.
Unang naaresto ng Police Station 10 si Rozelle Ganancial alyas Paloma sa ginawang buy bust operation sa R & J Apartelle sa bahagi ng Kamias Road Brgy. Pinyahan, Q.C.
Nakuha sa kanya apat (4) na pirasong heat sealed transparent plastic sachets na naglalaman ng shabu, at 200 pesos na buy bust money.
Sunod na nahuli ng Police Station 11 ang dalawang lalake na nagka-Cara Cruz sa Bolaños compound, Kaliraya Street Brgy Tatalon, QC.
Pero habang isinasagawa ang verification sa dalawang suspek nakuha ang dalawang (2) sachet ng shabu kina Sonny Reyes Jr. isang tricycle driver at Demedel Mercado.
Nahuli naman ng Police Staion 2 Masambong sa Roosevelt Ave. corner Manggahan St. Brgy. Katipunan QC ang suspek na si Ronald Mafelix na minsan nang nakulong dahil sa bawal na gamot.
Nakuha sa kanya ang dalawang ( 2) pirasong small heat sealed transparent plastic sachets na naglalaman ng shabu makaraang isailalim siya sa buy bust operation.