Gilas Pilipinas, dinepensahan ni Coach Chot Reyes

Mismong si Coach Chot Reyes na ang nagsabing hindi katanggap-tanggap ang nangyaring gulo sa pagitan ng Gilas Pilipinas at Australia pero kanyang agad na dinepensahan ang kanyang mga manlalaro.

Aniya, nag-react lang ang mga manlalaro ng Gilas sa mga dirty tactics na ginawa ng kabilang koponan, partikular na si Daniel Kickert.

Ayon kay Reyes, sa warm-up palang ay pino-provoke na ni Kickert ang koponan.

Para kay Reyes ay maaring ito ang strategy ni Kikert para i-intimidate ang Gilas.

Dagdag pa niya, naiintindihan niya ang mga pagkadismya ng ilan sa nagyaring gulo.

Pero kanyang binigyang diin na hindi alam ng mga kritiko ang tunay na nangyari na siyang humantong sa gulo.