Wala pang natutukoy na suspek sa pagpatay kay Mayor Halili
Hindi pa natutukoy ng pulisya ang suspek sa pagpatay kay Tanauan City Mayor Antonio Halili.
Ayon kay Chief Superintendent Edward Carranza, Calabarzon regional director, lahat ng anggulo ay pinag-aaralan na ng mga pulis kabilang ang pulitika, personal, at iba pa.
Patuloy pa din ang pagkalap ng ebidensya ng Scene of the Crime Operatives sa lugar kung saan naganap ang pamamaril.
Ani Carranza natukoy naman ng mga imbestigador sa kaso na ang gunman ay maaring nagmula at nmangtago sa isang masukal na bahagi sa kanan ng City Hall.
Mayroon kasing isang lugar doon ang maraming damo na maaring pinagtaguan ng suspek.
Sa hiwalay na pahayag sinabi naman ni Tanauan Police Chief Superintendent Renato Mercado na maaring nasa 150 meters ang layo ng gunman kay Halili.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.