LeBron James lilipat na sa LA Lakers; pipirma sa $154M contract
Kinumpirma na ng ahensyang may hawak kay LeBron James na pipirma ito ng apat na taong kontrata sa Los Angeles Lakers.
Nakipagkasundo si LeBron sa Lakers para sa $154 million na halaga ng kontrata.
Sa pahayag ng ahensyang humahawak kay LeBron na Klutch Sports Group, sinabi nito na nais ni LeBron na gawing mabilis ang proseso para sa bagong kontrata matapos ang pakikipag-usap sa pamunuan ng koponan.
Magugunitang natalo ang koponan ni LeBron na Cleveland Cavaliers sa katatapos na NBA Finals makaraang ma-sweep ng Golden State Warriors ang best-of-seven series.
Dahil dito nagpasya si LeBron na iwanan na ang Cavaliers at maghanap ng ibang team.
Sinubukan din umanong kausapin si LeBron ng koponan na Philadelphia pero hindi humarap sa pulong si LeBron at tanging mga kinatawan niya ang nakipag-usap.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.