Sa datos ng National Capital Region Police Office (NCRPO), nasa kabuuang 20,979 na local ordinance violators ang nahuli mula June 13 hanggang alas 5:00 ng umaga ng June 29.
Noong June 13 unang binanggit ni Pangulong Rodrigo Duterte ang kaniyang utos sa PNP na hulihin ang mga “tambay” sa mga lansangan.
Ayon kay NCRPO director Chief Supt. Guillermo Eleazar, sa datos, karamihan sa mga nahuli ay lumabag sa smoking ban na umabot sa 5,463 o 26 percent.
Ang mga menor de edad naman na nahuli na lumabag sa curfew ay 3,922; habang ang mga umiinom sa kalye ay 3,447.
May mga dinampot din dahil sa walang suot na damit pang-itaas na umabot sa 3,137 habang ang nasa 5,010 ay dahil sa iba’t ibang paglabag.