Thunderstorm Advisory, itinaas ng PAGASA sa 3 lalawigan

Nakataas ang thunderstorm advisory sa tatlong lalawigan sa Central Luzon.

Sa inilabas na abiso, alas 9:32 ng umaga, sinabi ng PAGASA na malakas na buhos ng ulan na may kaakibat na pagkulog, pagkidlat at malakas na hangin ang iiral sa Zambales, Bataan at Pampanga.

Tatagal ito sa susunod na dalawang oras.

Parehong lagay ng panahon din ang naranasan sa mga bayan ng Pandi, Bustos, at San Rafael sa Bulacan at sa bayan ng Rodriguez sa Rizal.

Pinayuhan ng PAGASA ang mga residente na mag-ingat sa posibleng pagbaha.