Nakipagpulong ang pamunuan ng Philippine National Police (PNP) sa Catholic Bishops Conference of the Philippines (CBCP) para talakayin ang sigalot sa pagitan ng simbahan at pamahalaan lalo na sa usapin kampanya kontra ilegal na droga.
Ayon kay PNP spokesperson Senior Supt. Benigno Durana Jr., personal na nakipagkita si PNP chief Director General Oscar Albayalde kay CBCP Public Affairs head at Permanent Council member Bishop Rey Evangelista at Secretary General Marvin Mejia sa tanggapan ng CBCP sa Intramuros, Maynila.
Ipinahayag ni Durana na tinalakay rin ng pulisya at Simabahang Katolika ang serye ng pagpatay sa mga pari sa bansa.
Naganap ang pagpupulong ilang linggo matapos ang pananambang kay Father Richmond Nilo na ikatlong pari na pinaslang mula Disyembre.
Matatandaang mariin ding kinundena ng CBCP ang gyera ng administrasyon kontra iligal na droga dahil sa mga ulat ng paglabag umano sa karapatang pantao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.