1 patay, 1 sugatan sa pananambang sa Cavite

Patay ang isang lalaki habang sugatan ang isa pa makaraan silang tambangan ng hindi nakilalang mga suspek sa Dasmarinas City sa Cavite.

Nakilala ang nasawi na si Ginell Mendoza habang ginagamot naman sa Asian Medic ang isa pa na si Joseph Polvorosa.

Ayon sa pahayag ng mga testigo, nakatayo lang ang mga biktima sa bahagi ng Greensite sa Barangay Sampaloc ang biglang dumating ang dalawang suspek at pinaputukan sila ng ilang ulit.

Sa pagsisiyasat naman ng mga pulis, ang dalawang biktima ay nasangkot na sa serye ng robbery incidents sa lugar at sangkot din sa pagtutulak ng ilegal na droga sa Blessed Ville Subdivision.