Angel Locsin ipinagmalaki ang mga natamong pasa dahil sa training
“Libre Birthmark.”
Ganito inilarawan ng isang martial arts training group ang mga natamong pasa ni Angel Locsin na kasalukuyang nag-aaral ng knife training.
Sa Instagram post ng Libre Fighting Philippines, ipinakita nito ang nakangiting si Angel habang tila ipinagmamalaki pa ang mga pasa sa kanyang braso.
Sa sarili namang Instagram account ng Kapamilya star, ipinakita niya ang unang dalawang araw ng kanyang knife training session.
Bagaman walang ibang caption kundi “Day 1” at “Day 2” ay posibleng ang training ni Angel ay bilang preparasyon para sa action-drama teleserye na “The General’s Daughter.”
Sa ngayon ay wala pang inilalabas na petsa kung kailan ipalalabas ang naturang teleserye. Ngunit ang tiyak ay makakasama niya dito sina Ryza Cenon, Tirso Cruz III, Maricel Soriano, Albert Martinez, Eula Valdez, at Janice de Belen.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.