Pang-64 na batang naturukan ng Dengvaxia at nasawi isinailalim sa otopsiya ng PAO

Isa pang biktima na hinihinalang nasawi matapos maturukan ng Dengvaxia ang naisailalim sa autopsy ng Public Attorney’s Office o PAO.

Ayon kay PAO Chief Atty. Persida Rueda-Acosta, ito na ang ika-64 na kaso na kanilang nasuri.

Ang batang si Crystal Mae Gaton, 10 taong gulang ay isang beses na naturukan ng Dengvaxia vaccine noong Sept. 14, 2017.

Noong May 2018 nang makaranas siya ng mga sintomas hanggang sa tuluyang humina. Nasawi si Gaton noong June 20, 2018.

Gaya ng mga nagdaang kaso, nakiitan ng brain at multi-organ bleeding at multi-organ enlargement lalo na ang kaniyang liver at kidney.