6 na nagsusuplay umano ng marijuana sa mga estudyante arestado sa Maynila

Sa Maynila, arestado ang anim na katao na pinaniniwalaang tulak ng ilegal na droga sa mga estidyante.

Ikinasa ang dalawang magkahiwalay na operasyon sa Sta. Ana sa nasabing lungsod.

Unang nadakip ang dalawang suspek na nakuhanan ng dalawang sachet na naglalaman ng pinatuyong dahoon ng marijuana.

Isinumbong naman ng dalawa sa mga otoridad kung sino ang source nila ng marijuana kaya agad nagkasa ng follow up operation ang mga pulis.

Sa ikalawang operasyon naaresto ang apat pang suspek na nakuhanan naman ng anim na sachet ng marijuana.