Ikalawang beses na paglapag ng Chinese plane sa Davao City hindi isyu ayon kay SAP Bong Go

By Rhommel Balasbas June 25, 2018 - 04:18 AM

Minaliit ni Special Assistant to the President (SAP) Bong Go ang paglapag ng isa pang Chinese military plane sa bansa.

Iginiit ni Go na ang paglapag ng naturang aircraft sa Davao City, na balwarte ni Pangulong Rodrigo Duterte ay tinanggap, iprinoseso at pinayagan ng mga concerned agencies ng pamahalaan.

Ani Go, nag-refuel lamang ang naturang eroplano, pinayagan at sumunod sa mga kaukulang kondisyon ng gobyerno kahalintulad ng naging paliwanag ni Presidential Spokesperon Harry Roque.

Hinamon ni Go na itanong na lang ni Magdalo Representative Gary Alejano sa Sandatahang Lakas kung ano talaga ang nangyari dahil hindi naman ito magsisinungaling sa mambabatas dahil dati siyang kasapi nito.

Anya pa, mas mabuti ito dahil masyado na lamang iniintriga ng oposisyon ang gobyerno.

Si Alejano ang nagbukas sa isyu at sinabing ang naturang paglapag ng Chinese aircrafts ay hindi umano pangkaraniwan dahil walang pormal na military agreement ang Pilipinas at China.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.