Lasing na Ateneo player sa isang viral video, mapaparusahan
Naging viral sa internet ang video ni John Apacible, isang manlalaro mula sa Ateneo Blue Eagles basketball team habang gumagawa ng eksena.
Sa nasabing video post ng Top Gear Philippines sa kanilang Facebook page, mapapanood ang lasing na si Apacible habang nagmumuta at tila naghahamon ng away habang ipinagyayabang ang kaniyang ‘councilor’ protocol plate.
Dahil dito mahaharap sa disciplinary sanctions mula sa pamunuan ng Ateneo at ng Blue Eagles team.
Ayon sa pahayag na inilabas at nilagdaan ni Emmanuel Fernandez na direktor ng athletics office ng Ateneo, nakarating sa kanila ang nasabing balita.
Pinagsisisihan naman na aniya ito ni Apacible at humingi na rin ito ng tawad sa lahat ng mga nadamay, pero tiniyak nila na aaksyunan ng kanilang pamunuan ang nasabing insidente.
Ayon sa Top Gear Philippines, sinabi ng taong nagsumite sa kanila ng video, nanapak pa ng isang delivery driver ang lasing na lasing na si Apacible.
Bagaman may mga pulis din na namataan sa video, wala namang humuli sa kaniya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.