Dinukot ng mga armadong kalalakihan ang isang alkalde sa Agusan del Sur at ang anak nito kahapon.
Hinihinalang mga rebeldeng miyembro ng New People’s Army ang dumukot kina Mayor Dario Otaza ng Loreto, Agusan del Sur at sa anak nitong si Daryl dakong alas-6:50 kagabi sa kanilang tahanan sa Brgy. Baan, Butuan City.
Sa isang pahayag, sinabi ni Office of the President Undersecretary Emmanuel Bautista na nagsagawa na ng pursuit operations ang mga pulis at militar para tiyakin ang kaligtasan ng mga biktima.
Ani Bautista, isang matino at respetadong alkalde si Otaza na masugid na nagsusulong ng kaunlaran sa kanilang komunidad.
Ayon rin kay Bautista, si Otaza ay miyembro ng grupo ng mga indigenous na Manobo at dating rebelde.
MOST READ
LATEST STORIES