Rep. Floirendo pinahintulutan ng Sandiganbayan na makapagpagamot sa Germany

Pinayagan ng Sandiganbayan 6th Division si Davao del Norte Representative Antonio Floirendo na makabiyahe papuntang Germany para makapagpagamot.

Sa amended motion to travel ng kongresista, bibiyahe siya mula June 23 hanggang July 13.

Subalit bago dumiretso ng Germany, magkakaroon muna siya ng stop over sa Hong Kong.

Base sa hiling ni Floirendo, nais niyang magpagamot sa Ticeba Facilities na nasa Heidelburg, Germany.

Si Floirendo ay sinasabing may history ng chronic obstructive pulmonary disease (COPD) at may iniindang injury sa tadyang dahil sa isang helicopter crash.

Kinailangan ng kongresista na humingi ng permiso sa korte para makabiyahe dahil may hinaharap siyang kasong katiwalian kaugnay ng Tadeco-BuCor deal