Aabot sa P168 million na halaga ng mga farm machinery at equipment ang ipinamahagi sa mga magsasaka sa apat na lalawigan sa Central Mindanao ng Department of Agriculture.
Tinangap ng mga farmer leaders ang mga kagamitan kabilang ang 24 na unit ng modernong pang-ani ng palay at bigas, farm tractors at iba pa.
Pinangunahan ni DA Sec. Manny Piñol ang pamamahagi ng mga kagamitan.
Ayon kay Piñol, ang Pilipinas ang may pinakamababang farm mechanization rate sa mga bansa na miyembro ng ASEAN dahilan para maglaan ang administrasyong Duterte ng bilyon-nilyong piso para maipambili ng mga makabagong gamit pangsaka at pangisda.
Maliban sa pamamahagi ng mga gamit, nag-aalok din ang DA ng Agriculture and Fisheries Machinery and Equipment Loaning Program.
Sa ilalim ng programa nagkakaloob ng loan ang DA sa mga nais makabili ng tractors, harvesters at iba pang farming equipment at ang interest ay 2 percent lang kada taon na babayaran sa loob ng walong taon.