Tiyak na kinikilig ngayon ang mga tagahanga nina Angelica Panganiban at Carlo Aquino.
Ito ay matapos silang kapwa mag-post sa kani-kanilang mga Instragram account ng mga sweet na litrato.
June 18 nang magpost si Angelica na may caption na anniversary pala nilang dalawa noong June 17.
Hindi naman malinaw kung anong anibersaryo ang tinutukoy ng Kapamilya actress ngunit posibleng tungkol ito sa kanilang anniversary nang sila ay magkarelasyon pa noon.
Sa hiwalay na post ni Carlo, sinabi nito na masaya siyang bahagi ng kanyang puso si Angelica.
Kaya naman palaisipan sa mga fans at netizens kung nagkabalikan na ba sina Angelica at Carlo.
Matatandaang naging magkarelasyon ang dalawang mga aktor sa loob ng anim na taon simula 2000 hanggang 2006.