Shinzo Abe handang tumulong sa denuclearization ng NoKor
Nagpahayag ng kahandaang tumulong para sa denuclearization ng North Korea si Japanese Prime Minister Shinzo Abe.
Sa isang television interview sa kanilang bansa, ay sinabi ni Abe na mahalaga na tumulong sa naturang usapin dahil kabilang ang Japan at mga karatig-bansa sa makikinabang kapag natanggal na ang banta sa nuclear weapons at testing ng NoKor.
Ito ay matapos ang kasunduan sa pagitan ng Estados Unidos at North Korea sa summit sa Singapore na tuluyan nang ititigil ng Pyongyang ang kanilang nuclear missile testing.
Samantala, sinabi naman ni Abe na hindi sila magbibigay ng anumang economic assistance sa NoKor hangga’t hindi pa tuluyang natitigil ang isyu ng abduction.
Bukas din aniya siya na magkaroon ng summit kasama si North Korean leader Kim Jong Un.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.