Aabot sa dalawang metro ang lalim ng nararanasang pagbabaha sa 51 lugar sa Pampanga at Pangasinan bunsod ng patuloy na nararanasang pag-ulan sa high tide.
Sa Pampanga, ayon sa provincial risk reduction and management office, 27 barangay sa bayan ng Macabebe, Masantol at Guagua ang nananatiling lubog sa baha.
Sa Macabebe, lagpas sa isang metro ang taas ng tubig sa Barangay Castuli, isang metro sa Barangay San Francisco at Consuelo habang mas mababa naman sa isang metro ang baha sa iba pang barangay.
Nasira naman ng baha ang 35 bahay sa Porac kung kaya’t pansamantalang inilikas ang 32 pamilya sa lugar.
Samantala, sa Pangasinan, aabot sa 14 barangay ang lubog sa apat na metrong baha sa Dagupan.
Batay sa impormasyon mula sa Dagupan city disaster risk reduction and management office, kabilang sa mga barangay na apektado ng pagbaha ang mga sumusunod:
– 1
– 4
– Bacayao Norte
– Bonuan Binloc
– Bonuan Gueset
– Calmay
– Caranglaan
– Lasip Chico
– Malued
– Mayombo
– Pantal
– Poblacion Oeste
– Pogo Chico
– Tebeng
Ayon kay city disaster risk reduction and management officer Ronald de Guzman, ito ay bunsod ng high tide sa Lingayen Gulf dahilan para tumaas ang lebel ng tubig sa mga ilog at sapa sa lugar.