Heavy rainfall warning nakataas pa rin sa Zambales at Bataan
Nananatiling malakas at tuluy-tuloy ang nararanasang pag-ulan sa lalawigan ng Zambales at Bataan.
Base sa 5AM rainfall advisory na inilabas ng PAGASA, nakataas ang yellow warning level sa dalawang lalawigan bunsod ng pag-ulan na dulot ng habagat na pinalalakas ng bagyong Ester.
Ayon sa PAGASA, posibleng makaranas ng pagbaha ang mga residente sa nasabing lalawigan na nakatira sa mabababang lugar.
Samantala, light hanggang moderate na kung minsan ay malakas na buhos ng ulan naman ang nararanasan sa Pampanga, Tarlac, Nueva Ecija at Bulacan.
Muling maglalabas ng rainfall advisory ang PAGASA mamayang alas 8:00 ng umaga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.