Opisyal ng CPP-NPA naaresto ng PNP

Timbog ang isang opisyal at medical staff ng Communist Party of the Philippines sa Central Luzon.

Nagkasa ng manhunt operation ang Philippine National Police at Armed Forces of the Philippines laban kay Juanito Carabeo sa Samal, Bataan.

Ayon kay Chief Supt. Amador Corpus, inaresto si Carabeo dakong alas-4:30 kahapon sa Barangay San Juan.

Si Carabeo ay nahaharap sa kasong murder, rebelyon at arson.

Mariin namang itinanggi ni Carabeo ang mga umano’y gawa-gawang akusasyon sa kanya ng mga otoridad.