Pamahalaang lungsod ng QC nagbabala sa pekeng FB page na nagpopost ng walang pasok

Nagbabala ang Quezon City Public Affairs Department sa publiko tungkol sa isang Facebook account na nagkukunwaring hawak ni Mayor Herbert Bautista.

Ang naturang FB page ay nagpo-post ng mga anunsyo na nagdedeklarang walang pasok sa lungsod.

Ayon sa QC Public Affairs Department, ang mga opisyal na anunsyo ay ilalabas lamang sa kanilang verified page sakaling kailanganin.