Pinoy Broadway actor magtatanghal sa LA production ng ‘Sweet Charity’
Tila walang makakapigil sa pag-angat sa larangan ng teatro ng Pinoy Broadway actor na si Jon Jon Briones.
Matapos ang kanyang Broadway debut bilang The Engineer sa ‘Miss Saigon’ ay magtatanghal naman sa Los Angeles production ng ‘Sweet Charity’ si Jon Jon at gagampanan niya ang karakter ni Herman.
Makakasama ni Jon Jon sa naturang production ang iba pang Broadway stars katulad nina Tony nominee Laura Bell Bundy at Barret Foa.
Magbubukas ang naturang musical production sa June 20 sa University of California, Los Angeles, partikular sa Freud Playhouse.
Huling lumabas si Jon Jon biilang Modesto Cunanan sa crime anthology series ng FX na ‘The Assassination of Gianni Versace: American Crime Story.’
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.